БНСУ Иранд саатуулагдсан газрын тос тээвэрлэгч онгоцоо чөлөөлж авахаар чармайж байна. Ираны тал Өмнөд Солонгосын газрын тос тээвэрлэгч онгоцыг Ормузын хоолойн ойролцоо зогсоож, хөлгийн багийн 20 гишүүнийг саатуулжээ. Иран уг онгоцыг байгаль орчны дүрэм зөрчсөн үндэслэлээр саатуулсан гэсэн тайлбар хийжээ. Уг хөлгийн багт Өмнөд Солонгосоос гадна Мьянмар, Индонез, Вьетнамын далайчид явсан юм байна. Тэднийг суллуулахаар Өмнөд Солонгосын засгийн газар дипломат шугамаар чармайлт гаргаж байгааг Өмнөд Солонгосын гадаад харилцааны сайд өчигдөр мэдэгджээ. Өмнөд Солонгосын батлан хамгаалах яам хөлгийн багийн гишүүдийн аюулгүй байдлыг хангах үүднээс далайн дээрэмтэй тэмцэх нэгжийн бие бүрэлдэхүүнээ Ормузын хоолой руу илгээсэн тухайгаа мэдэгдсэн байна. Харин уг хөлгийг эзэмшигч компани тээвэрлэгч онгоц нь далайн ус бохирдуулсан ямар ч зөрчил гаргаагүй гэж мэдэгджээ.

АНУ-ын хоригоос үүдэж, Өмнөд Солонгос дахь Ираны хөрөнгө санхүүг царцааснаас болж Тегеран Сөүлийн хооронд харилцаа хүйтэрснээс болж газрын тосны тээврийн гол замуудын нэг Ормузын хоолойд Өмнөд Солонгосын онгоцыг саатуулсан үйл явц өрнөх шиг боллоо гэж ажиглагчид үзэж байна. Иран улс жил гаруй хугацаанд анх удаа тээвэрлэгч хөлөг онгоц саатуулсан анхны тохиолдол нь энэ юм байна.