Сар шинийн баярын өмнө болон баярын үеэр иргэд олноороо коронавирусээр халдварлаж  болзошгүй байгаатай холбогдуулан БНСУ-ын Засгийн газар хөл хориог 2 дугаар сарын 14-нийг хүртэл сунгах шийдвэр гаргажээ.

Халдварын тохиолдол дахин нэмэгдвэл манай улсад цар тахлын дараагийн давлагаа дэгдэж болзошгүй гэж БНСУ-ын Эрүүл мэнд, нийгмийн халамжийн сайд Кан Дэ Хо өмнө нь мэдэгдсэн байна. Нөхцөл байдал хэрхэхээс хамаарч хорио цээрийн дэглэмийг долоо хоногийн дараа өөрчлөгдөж магадгүй аж.

БНСУ-ын нийслэл хотын дүүрэг тусгаарлалтын дөрөвдүгээр түвшнийг нэвтрүүлээд байгаа бол бусад бүсэд үүнээс нэгээр бага түвшнийг зарлажээ. Сөүл хот, Кёнгидо муж, Инчон хотод дөрвөөс илүү хүн нэг дор цугларахыг хориглосон хэвээр байна. Нийтийн хоолны газрууд оройн 21:00 цаг хүртэл үйлчлүүлэгчдийг хүлээн авч, бусад үед хүргэлтээр үйлчлэх боломжтой аж. Сүм хийдүүд үйл ажиллагаагаа цахим хэлбэрээр явуулж, зөвхөн ням гарагт суудлыг 100 хувьд нь хүргэж дүүргэхгүйгээр уулзалт зохион байгуулж байна. Түүнчлэн шөнийн цэнгээний газруудын үйл ажиллагаанд хориг тавьсан хэвээр байна.

Өнгөрсөн хоногт БНСУ-д халдварын 305 шинэ тохиолдол илэрч, нийт халдвар авсан хүний тоо 78508-д хүрчээ.