“Jakarta Post” сонинд бичсэнээр Индонезийн Зэвсэгт хүчний командлагч Хади Тьяжанто “Арал дээр эмнэлгээс гадна 1979-1996 онд Вьетнамын дүрвэгчдийн байрлаж байсан хэд хэдэн барилга бүтэн бий. Энэ эмнэлэг 1000 өвчтөн хүлээн авах хүчин чадалтай. Цэвэр ус, цахилгаан байгаа тул халдвар авагчдын тоо нэмэгдэхэд хэдэн хоногийн дотор л эмнэлгийг бүрэн чадлаар нь ажиллуулж чадна” гэж мэдэгдсэн байна.

Мөн хар тамхины хамаарлыг эмчлэх эмнэлэгтэй байсан Себару гэдэг эзгүй арлыг ч ашиглаж болно гэж дурджээ.

Одоогийн байдлаар Индонезид халдварын хоёр тохиолдол бүртгэгдээд байгаа.