"Анна Каренина" жүжиг үзсэн хүмүүсийг энэ сарын 9, 10-нд 09.00-17.00 цагийн хооронд УДЭТ-т очиж PCR шинжилгээ өгөхийг ЭМЯ-ны ахлах шинжээч Д.Нарангэрэл өнөөдөр оройны УОК-ын Шуурхай штабын хэвлэлийн хурлын үеэр уриалав.

УДЭТ-ын "Анна Каренина" жүжгийн уран бүтээлч, ажилчин болон үзэгч зэрэг 54 хүнээс коронавирусний халдвар илэрсэн. Тус жүжгийг энэ сарын 3-6-ны өдөр нийт 900 гаруй хүн үзжээ. Халдварын нууц үеийг 4-5 дахь өдөр нь илрүүлэх магадлал хамгийн өндөрт байдаг тул шинжилгээ авах хугацааг энэ сарын 9, 10 гэж товлосон байна. 

Дээрх нөхцөл байдалтай холбогдуулан УДЭТ-аас энэ сарын 7-14-ний бүх үзвэрээ хойшлуулжээ.

Халдвар авсан хүмүүсийг харьяаллаар нь задалбал,

• Баянгол дүүрэгт 11
• Баянзүрх дүүрэгт 17
• Сүхбаатар дүүрэгт 6
• Сонгинохайрхан дүүрэгт 9
• Хан-Уул дүүрэгт 5
• Чингэлтэй дүүрэгт 6 байна. Энэ хүмүүс өмнө нь өндөр эрсдэлтэй хэмээн мэдээлж байсан хороодод амьдарч байгааг Нийслэлийн Онцгой комиссын дарга Д.Сумъяабазар өнөөдөр хэвлэлийн хурал хийхдээ онцолсон юм.