“Хурд” хамтлагийн санаачилгаар “Монгол HD” телевиз, Онцгой байдлын ерөнхий газар хамтран “Буцааж нэхэхгүй хайр” цахим тоглолтыг амжилттай зохион байгууллаа.

Шинэ коронавирусний халдвараас урьдчилан сэргийлэх үйл ажиллагаанд дэмжлэг үзүүлэх, мэргэжлийн байгууллагуудын алба хаагчдад сэтгэлийн дэм үзүүлэх зорилгоор зохион байгуулсан цахим тоглолт “Монгол” телевиз болон Онцгой байдлын ерөнхий газар,  Хурд, Монгол ТВ пейж хуудсаар шууд үзэгчдэд хүрсэн юм.

Тоглолт 3 цаг 30 минут үргэлжилсэн бөгөөд хандивын үйл ажиллагаанд 27 900 гаруй иргэн нэгдэж, 240 гаруй сая төгрөгийг Улсын онцгой комиссын дансанд шилжүүлсэн байна гэж Онцгой байдлын ерөнхий газраас мэдээллээ.