Олон улсын парламентын холбоо (ОУПХ)-ны ээлжит 142 дугаар Ассамблей ирэх сард чуулна. Чуулганы цуврал бэлтгэл ажлын хүрээнд зохион байгуулсан ОУПХ-ны Тогтвортой хөгжлийн байнгын хороо болон НҮБ-ын асуудлаарх байнгын хороотой хамтарсан хуралдаанд Улсын Их Хурлын гишүүн Д.Өнөрболор оролцлоо.

“Нийтийн сайн сайхны төлөөх вакцины хүртээмж” сэдвийн дор зохион байгуулдсан хэлэлцүүлэгт УИХ-ын гишүүн Д.Өнөрболор хэлсэн үгэндээ, Монгол Улс ДЭМБ болон КОВАКС хөтөлбөрийн хүрээнд хүн амынхаа зорилтот бүлгийн 30 гаруй хувийг вакцинжуулсан гэдгийг онцлоод хандивлагч орнуудад талархал илэрхийлэв.

Түүнчлэн дэлхий дахинд тулгамдаж буй сорилт, аюул заналыг даван туулахын тулд олон улсын парламентчид хамтран ажиллах шаардлагатай байгааг онцолсон юм. Мөн, "Монгол Улсын Их Хурал Ази, Номхон далайн орнуудын парламентчдын ээлжит чуулганыг зохион байгуулна. Энэ үеэр бүс нутгийн парламентын гишүүд, дэлхийн нийтийн өмнө тулгамдсан сорилт, бэрхшээлийг даван туулахад чиглэсэн яриа, хэлэлцүүлэг өрнүүлж, олон талт хамтын ажиллагааг бэхжүүлсэн уулзалт болно" гэлээ.

Швейцарийн Женев хотноо байрладаг ОУПХ-ны төв байрнаас удирдан зохион байгуулж буй ээлжит цахим хурал өнөөдөр Улаанбаатарын цагаар 20.00 цагт үргэлжилнэ хэмээн УИХ-ын Хэвлэл мэдэлэл, олон нийттэй харилцах хэлтсээс мэдээлэв.