Нийслэлийн хэмжээнд 18 ба түүнээс дээш насанд хүрэгчдийн насны хязгааргүйгээр нэгдүгээр тунд хамруулж эхэлсэн. Түүнчлэн орон нутгийн харьяалалтай ч Улаанбаатарт байгаа болон Монгол Улсад амьдардаг гадаадын иргэд вакцинд хамрагдаж байна.

Вакцинжуулалтыг үе шаттайгаар зохион байгуулж байгаа энэ үед иргэдэд цахимаар болон гар утсаар  мэдэгдээгүй бол урьдчилан очиж дараалал бөөгнөрөл үүсгэхгүй байж, халдвар хамгааллын дэглэмийг мөрдөх хэрэгтэйг эрүүл мэндийн байгууллагаас зөвлөж байна.

Нэгдүгээр тунд хамрагдсан бүх иргэдийг 2 дугаар тунд хамруулна. Астразенека вакцины хувьд 56 хоног Синофарм үйлдвэрийн Вироцелл буюу Cor-V вакцины хувьд тун хоорондын зай хамгийн багадаа 21 хоног байж болох бөгөөд 21-56 хоногийн хугацаанд 2 дугаар тунг тариулахад дархлаа тогтцод сөргөөр нөлөөлөхүй гэдгийг эмч мэргэжилтнүүд хэллээ гэж Шадар сайдын ажлын албанаас мэдээллээ.