Өмнөд Солонгосын Засгийн газар коронавирусний вакцины хаягдал гаргахгүйн тулд цахим шинэ систем бүрдүүлсэн байна. Ингэснээр эмнэлгийн байгууллагууд нь хэдэн тун вакцин байгаа, хэдэн тун үлдсэн тухайгаа цахим мэдээллийн санд мэдээлэх, иргэд нь цахим сайт болон байршлын аппликейшн ашиглан хэзээ, хаана, ямар байршилд хэдэн тун вакцин байгааг харах боломжтой болж буй юм байна.

Мөн иргэд вакцин хийлгэх цагаа цахим нэгдсэн системээс авч, заавал утсаар залгаж авах шаардлагагүй болжээ. Уг системд 30 болон түүнээс дээш насны, коронавирусний вакцин хийлгээгүй, вакцины захиалга, цаг аваагүй хүн нэвтрэх боломжтой юм байна.