Хөхүүл ээжүүд шаардлагатай бол хүүхдээ дагуулан ирж, олимпын наадамд оролцож болно хэмээн Зохион байгуулах хорооноос мэдэгдлээ.

Гурван сартай охинтой Канадын сагсан бөмбөгийн од Ким Гаучер “Хөхүүл ээж эсвэл олимпын тамирчин байх хоёрын аль нэгийг сонгохоос аргагүйд хүрлээ” гэж хэлсний дараа энэ асуудал олны анхаарлыг татаж, улмаар зохион байгуулагчид яаралтай шийдвэр гаргахад хүрчээ.

Өмнө нь зохион байгуулагчид “Ковид-19”-ын протоколын дагуу тамирчдын гэр бүлийг олимпын наадамд оролцохыг хориглоод байв. Гэхдээ олимпын тосгонд зөвхөн тамирчид, албаныхан орох ёстой тул хүүхдээ өөр хувийн байранд үлдээх ёстой юм байна.