Засгийн газрын ээлжит хуралдаан өнөөдөр боллоо. Хуралдаанаар хэлэлцсэн асуудлын талаар Зам тээврийн хөгжлийн сайд Л.Халтар, Барилга хот байгуулалтын сайд Б.Мөнхбаатар нар мэдээлэл хийв.

Б.Мөнхбаатар сайд энэ удаагийн мэдээлэлдээ барилгын материалын үнэ 40 хувиар өссөн талаар тооцоо судалгааг танилцуулав. 

Тэрбээр "Өнөөдөр хөөсөнцөрийн үнэ хамгийн их өссөн. Хагас жилийн байдлаар барилгын материалын үнэ 40 гаруй хувиар өссөн байна. Хувийн хөрөнгө оруулалттай ихэнх компани үйл ажиллагаагаа зогсоосон байгаа" гэлээ.