Эрүүл мэндийн яамнаас өнөөдрийн /2021.08.20/ 11:00 цагийн ээлжит мэдээллээ өглөө. 

Өнгөрсөн 24 цагийн хугацаанд халдварын 1841 тохиолдол шинээр илэрчээ. Шинээр батлагдсан тохиолдлын 535 нь Улаанбаатар хотод, 1305 тохиолдол нь хөдөө, орон нутагт бүртгэгдсэн байна. 

Харин халдвар авч, эмчлэгдэж байсан нэг иргэн нас баржээ. Ингэснээр Монгол Улсад коронавирусний халдвараар нас барсан иргэдийн тоо 892 боллоо. 

Тэгвэл өнгөрсөн хоногт халдвар авсан 1591 иргэн эдгэрч, эмнэлгээс гарчээ. Өнөөдрийн байдлаар биеийн байдал нь нэн хүнд гэсэн оноштой 180 хүн хэвтэн эмчлүүлж байгаа талаар Эрүүл мэндийн яамнаас мэдээллээ.