Дэлхийн эрүүл мэндийн байгууллагын мэдээлснээр, дэлхий дахинд коронавирусний халдварын нийт 571678 тохиолдол бүртгэгдэж, 26494 хүн нас баржээ.

Статистик мэдээллээр, коронавирусээр халдварласан хүний тоо нэг өдрийн дотор 62 мянгаар нэмэгдсэн бол нас барсан хүний тоо 3159-өөр нэмэгдсэн байна. Халдвар авсан болон халдварын улмаас нас барсан тохиолдлуудын дийлэнх нь Европын бүс нутгуудад бүртгэгджээ. Европт нэг өдрийн дотор халдвар авсан хүний тоо 37646-аар нэмэгдсэн бол нас барсан хүний тоо 2635-аар нэмэгдсэн байна.

БНХАУ, БНСУ, Япон зэрэг Номхон далайн баруун бүс нутагт бямба гаргийн байдлаар нийт 101462 тохиолдол бүртгэгдэж, 3592 хүн нас баржээ. Халдварын 100314 тохиолдол бүртгэгдсэнээр Өмнөд болон Хойд Америк гуравдугаарт тэмдэглэгдэж байна.