Дархлааны асуудалтай хүмүүс сэргээх тун хийлгэхдээ “Спутник V” вакцины нэг бус хоёр тунг хоёуланг нь хийлгэж болно гэж Н.Гамалеягийн нэрэмжит Үндэсний халдвар судлал, микро биологийн судалгааны төвийн лабораторийн эрхлэгч Владимир Гущин мэдээлжээ.

Хоёр тунт "Спутник V" вакцин хийлгэсэн хүмүүс хагас жилийн дараа сэргээх тун болгож дор хаяж нэг тунг хийлгэх ёстой. Харин дархлаа султай хүмүүс дахин хоёр тунг хоёуланг нь хийлгэхийг зөвлөжээ.

Ингэснээр дархлаа хангалттай түвшинд тогтох магадлалыг нэмэгдүүлнэ гэж Гущин тодруулсан байна.

Сэргээх тун нь хүний эрүүл мэндэд хор учруулахгүй. Ингэхдээ эсрэг биетийн хэмжээгээр баримжаа авах шаардлагагүй бөгөөд сэргээх тундаа хамрагдахыг шинжээч зөвлөж байна.

ОХУ-д 2.5 сая хүн гурав дахь тундаа хамрагдаад байна.