Лондоны ICE биржийн баасан гаргийн арилжааны явцад “Brent” маркийн нефтийн дөрөвдүгээр сард нийлүүлэх гэрээний үнэ нэг торх нь 95 ам.доллар давсан байна.

Энэ төрлийн нефтийн үнэ хамгийн сүүлд 2014 оны 10 дугаар сард 95 ам.доллароос давж байжээ.

Арилжааны мэдээллээс үзвэл, “Brent” нефтийн үнэ 3.79 хувиар өсөж, нэг торх нь 95.44 ам.доллар болсон байна.

Шинжээчдийн үзэж байгаагаар, “ОПЕК+” буюу Нефть экспортлогч улсуудын байгууллагын гишүүн орнууд болон гишүүн бус 11 орны төлөөлөгчдийн сүүлийн хурлаар тус байгууллага олборлолтоо өдөрт 400 мянган торхоор нэмэгдүүлэхээр тохиролцсон нь нефтийн үнэ өсөхөд нөлөөлжээ. Үнэ өсөхөд мөн нийлүүлэлтэд эрсдэл үүсгэж болзошгүй байгаа Зүүн Европ, Ойрхи Дорнод дахь геополитикийн хурцадмал байдал нөлөөлсөн гэж үзэж байна.