БНСУ-ын “КТ” корпорацын Дижитал ба био эрүүл мэндийн бизнесийн хэлтсийн дэд ерөнхийлөгч Seung-Hyouk, Yim, Асан эмнэлгийн профессор Young-Tak, Kim нар болон албаны төлөөлөгчид УХТЭ-т өчигдөр албан айлчлал хийлээ.

Албан айлчлалын төлөөлөгчдийг УХТЭ-ийн Ерөнхий захирал Б.Эрдэнэбулган, дэд захирлууд хүлээн авч уулзаж, эмнэлгийн түүхэн хөгжил, одоогийн үйл ажиллагаагаа танилцуулсны дараа талууд эмнэлгийн тусламж, үйлчилгээнд мэдээлэл технологийг ашиглаж байгаа ололт амжилтын талаар санал солилцлоо.

Энэхүү уулзалтаар “КТ” корпорацын Дижитал ба био эрүүл мэндийн бизнесийн ажлын хүрээнд Хиймэл оюун ухааны технологиор дамжуулан УХТЭ-ийн Эрүүл мэндийг дэмжих төв болон бусад оношилгооны төв, тасгуудын үйл ажиллагаанд орчин үеийн мэдээллийн технологийг ашиглах чиглэлээр цаашдаа хамтран ажиллах эхлэлийг тавьсан уулзалт болсон гэж Улсын хоёрдугаар төв эмнэлгээс мэдээллээ.