ЭМЯ-наас коронавирус өвчний халдвар, нөхцөл байдлын талаар өнөөдрийн /2020.04.05/ мэдээллээ хийж байна. 

ХӨСҮТ-ийн Ерөнхий захирал  Д.Нямхүү "2020 оны дөрөвдүгээр  сарын 3-нд Токио - Улаанбаатар чиглэлийн онгоцоор ирсэн 62 хүнээс шинжилгээ авсан. Коронавирус илрээгүй.

Мөн дөрөвдүгээр сарын 3-нд ХӨСҮТ-д тусгаарлаад байсан сэжигтэй хоёр тохиолдлоос коронавирус илрээгүй.

Амар  зочид буудалд тусгаарласан 169 иргэн, Цээргийн төв эмнэлэгт тусгаарласан 174, Зүч зочид буудалд тусгаарласан дөрвөн хүнээс коронавирус илрээгүй. 

Мөн тандалтын хүрээнд 26 хүнээс шинжилгээ авахад халдвар илрээгүй. 

Дөрөвдүгээр сарын 4-нд нийт 337 хүнээс шинжилгээ хийсэн. Бүгдэнд нь коронавирус илрээгүй байна" гэв.