Өмнөд Солонгост эхнэрээ бэлгийн хүчирхийлэлд өртсөн хэмээн сэжиглэж, нутаг нэгтнийхээ аминд хүрсэн 20 гаруй насны монгол залууд шүүхээс 16 жилийн хорих ял оноожээ. 

Энэ сарын 10-ны өдөр мэдээлснээр Сувон дүүргийн шүүхийн эрүүгийн хэргийн шүүхэд яллагдагчаар татагдсан 28 настай А-д 16 жилийн хорих ял оноосон гэв. Сэжигтэн А нь өнгөрсөн оны 11-р сард Кёнги мужийн Суво хотын гудамжинд танил 34 настай Б-г хутгалан хөнөөжээ. 

Сэжигтний эхнэр "Б гэрт маань хэлэлгүй орж ирээд согтуу унтаж байхад бэлгийн хүчирхийлэл үйлдсэн" хэмээн нөхөртөө хэлсэн байх бөгөөд А нь Б-тэй уулзахаар очжээ. Тухайн үед Б нь бэлгийн хүчирхийлэл үйлдсэн гэдгээ хүлээн зөвшөөрөөгүй ба уучлалт гуйхаас татгалзсан байна. 

А нь тухайн үед гэмт хэрэг хийх сэдэлгүй байсан, санамсаргүйгээр хүний аминд хүрсэн хэмээн мэдүүлсэн бол шүүх бүрэлдэхүүнд ирсэн нотлох баримтад А нь зэвсгээ урьдаас бэлдсэн байсан нь тогтоогдсон байна. Иймд иргэн А-г бусдын амь насыг хөнөөхөөр урьдаас бэлдсэн гэх үндэслэлээр ийнхүү 16 жилийн хорих ял оноожээ. 

Эх сурвалж: https://news.zindaa.mn/525e