Нийслэлийн Баянзүрх, Чингэлтэй, Сүхбаатар дүүргийн Эрүүгийн хэргийн анхан шатны шүүхээс яллагдагч Г.Загдааг нэг сарын хугацаанд хорихоор шийдвэрлэлээ.

Шүүхээс прокурорын санал үндэслэлтэй байна гэж үзэн Эрүүгийн хэрэг хянан шийдвэрлэх тухай хуулийн 14.9 дүгээр зүйлийн нэг дэх 1.2, 1.3 мөн хуулийн 14.10 дугаар зүйлийн нэгдэх /Яллагдагчийг цагдан хорих үндсэн хугацаа нэг сар байна/, хэсэгт тус, тус заасныг удирдлага болгож яллагдагч Г.Загдааг өнөөдрөөс буюу дөрөвдүгээр сарын 13-ны өдрөөс нэг сарын хугацаатай цагдан хорих, таслан сэргийлэх арга хэмжээ авсан байна.

Түүнчлэн энэ сарын 11-ний өдөр Эрүүгийн хэрэг хянан шийдвэрлэх тухай хуулийн 31.5 дугаар зүйлийн нэг дэх хэсгийн 1.2, 1.3 дахь заалтад тус тус заасан үндэслэлээр Г.Загдааг шүүхийн зөвшөөрөлгүй баривчилсан нь хууль зүйн үндэстэй байна гэж шүүх үзжээ.