Германы спортын бараа бүтээгдэхүүн үйлдвэрлэгч “Adidas” компани коронавирусний тархалтаас үүдэлтэй эдийн засгийн үр дагаврыг бууруулахын тулд төрөөс 2.4 тэрбум еврогийн зээл авчээ.

Үүнээс гадна компани нэмэлтээр 600 сая еврогийн тусламж авахаар банкны холбоотой тохиролцжээ. Цар тахлаас үүдэлтэй ноцтой үр дагавартай холбогдуулан компани санхүүгийн уян хатан байдлыг хангах зорилгоор ийм алхмыг авч хэрэгжүүлж байгаагаа мэдэгдсэн байна.

“Kreditanstalt fur Wiederaufbau” төрийн банкаар дамжуулан бизнес эрхлэгчдэд хязгааргүй зээл олгох тусгай хөтөлбөрийг Германы Эдийн засгийн яам 3 дугаар сарын сүүлчээр нэвтрүүлжээ. Үүнээс гадна 600 тэрбум евро бүхий эдийн засгийг тогтворжуулах сан байгуулсан байна.