БНАСАУ-ын удирдагч Ким Жөн Уны бие муудсан байж магадгүй тухай мэдээллийг АНУ-ын засаг захиргаатай бид хэлэлцэж байна гэж Японы сайд нарын танхимын ерөнхий нарийн бичгийн дарга Ёшихидэ Суга өнөөдөр болсон хэвлэлийн бага хурлын үеэр мэдэгджээ.

“Энэ асуудалд би тайлбар өгмөөргүй байна. Гэхдээ бид энэ асуудлыг АНУ болон бусад сонирхсон улсуудтай хэлэлцэж байна” гэж тэрбээр мэдэгдсэн байна.

БНАСАУ-ын удирдагчийн эрүүл мэндтэй холбоотой мэдээллүүдийг цуглуулж дүн шинжилгээ хийж байна гэж Японы сайд нарын танхимын ерөнхий нарийн бичгийн дарга өмнө нь мэдэгдэж байжээ.