СӨҮЛ. /Yonhap/. БНСУ-ын найруулагч Бон Жун Хогийн “Шимэгч” уран сайхны киног Америкийн “HBO” суваг цуврал кино болгоно гэж уг киног бүтээсэн продакшн баасан гарагт мэдээлжээ.

“HBO” сувагтай хамтран бүтээх уг төсөлд найруулагч Бон Жун Хо, Адам МакКай нар ахлах продюсерээр ажиллана гэж “CJ ENM” продакшн мэдээлжээ. “Шимэгч” кино энэ оны “Cannes” кино наадмын шилдэг шагналыг хүртсэн юм.

“Бид “Шимэгч” киноноос сэдэвлэсэн цуврал кино хийх тухай хэлэлцээрийг байгуулахад тун ойртоод байна” гэж уг мэдээлэлд ойр эх сурвалж мэдээлжээ. Гэсэн хэдий ч уг киног дахин хийх эсвэл үйл явдлыг нь үргэлжлүүлэх эсэхийг хараахан шийдээгүй байгаа ажээ.

Ташрамд дурдахад, энэ долоо хоногийн эхээр болсон “Алтан бөмбөрцөг” наадмын 77 дахь удаагийн шагнал гардуулах ёслолын “Гадаад хэлээрх шилдэг кино” шагналыг “Шимэгч” хүртсэн юм. 

Эх сурвалж: Montsame.mn