Өнөөдөр /2020.01.21/ өглөөний 8 цаг хагасын үед Сөүл хотын Чонгэчон гүүрний ойролцоо тэсрэх бөмбөгтэй төстэй зүйл байна хэмээх дуудлага цагдаагийн 112 утсанд иржээ. Цагдаагийн газраас мэдэгдэж буйгаар гудамжны гэрэлд өмнө нь харагдаж байгаагүй камерыг суурилуулсан байсан бөгөөд тус камер нь нэгэн хайрцагтай холбогдсон байжээ. Цагдаагийн тусгай анги тус газарт очиж хайрцагтай зүйлийг шалгахад ямар нэгэн төрлийн тэсрэх зүйл олдоогүй байна. Хэргийн дуудлага тус газрын ойролцоо байрлах Израиль улсын элчин сайдын яамнаас ирсэн ажээ. Тэсрэх бөмбөг мөн эсэхийг шалгах явцад ойролцоох замын хөдөлгөөнийг мөн хаасан байна.