Хойд Солонгосын удирдагч Ким Жон Ун Солонгосын Хөдөлмөрийн намын төв хорооны улс төрийн товчооны хурал зарлаж, цар тахлын асуудлыг хэлэлцжээ. Өргөтгөсөн хурлаар коронавирусний халдварын эсрэг авах арга хэмжээний талаар ярилцсан гэж Солонгосын цахилгаан мэдээний төв агентлагаас мэдээлжээ.

Хурлаар “БНАСАУ-ын удирлагууд коронавирусийг улс руугаа нэвтрэхээс урьдчилан сэргийлж чадсан” гэж онцолсон байна. Энэ нь Ким Жон Уны тушаалыг дагасан намын болон ард түмний амжилт гэж Хойд Солонгосын удирдагч тодотгожээ.

Ким Жон Ун үүний өмнө Хятадын дарга Си Жиньпинд цахилгаан илгээж, тус улсын “COVID-19”-тэй хийсэн тэмцлийг өндрөөр үнэлсэн билээ.