Английн Ронни О’Салливан Шеффилд хотноо болсон снукер бильярдын ДАШТ-ий финалд Кайрен Уилсоныг 18:8-аар ялж түрүүллээ.

2001, 2004, 2008, 2012, 2013 онд дэлхийн аварга цол хүртэж буй Ронни ийнхүү дахин түрүүлж, Английн Стив Дэвистэй адил ялалттай боллоо.

1977 оноос эхлэн явагдсан снукер бильярдын ДАШТ-ий түүхэнд хамгийн олон удаа түрүүлсэн хүн нь Шотландын Стивен Хэндри бөгөөд тэрбээр долоон удаа дэлхийн аварга цол хүртжээ.

“Пуужин” хочтой О’Салливан 44 настайдаа дэлхийн аварга цолд хүрсэн нь түүхэнд хамгийн ахмад насандаа түрүүлсэн рекордын эзэн болгож байна.

Мөн тэрбээр дэлхийн чансааны 37 дахь тэмцээндээ түрүүлснээр Стивен Хэндригээс ердөө ганц түрүүгээр дутуу болов.