Шударга өрсөлдөөн, хэрэглэгчийн төлөө газраас худалдаа үйлдвэрлэл, үйлчилгээний байгууллагуудад "Зарагдсан бараа буцаахгүй" гэх агуулга бүхий санамж, анхааруулгыг байрлуулан бараа бүтээгдэхүүнээ худалдан борлуулж байгаатай холбогдуулан ЗӨВЛӨМЖ хүргүүлэн ажиллалаа.

Худалдаа эрхлэгчдийн "ЗАРАГДСАН БАРАА БУЦААХГҮЙ" гэх санамжийн талаар ШӨХТГ-ын дарга Б.Бат-Эрдэнэ "Бид хэрэглэгчийг гомдол гаргасан цагт биш гомдол гарахгүй нөхцөлийг бүрдүүлэхийн төлөө ажиллана. Зарагдсан барааг буцаахгүй байж болохгүй. НӨАТ баримт нэгэнт олгогдсон, бүртгэсэн гэх шалтгаанаар тухайн барааг буцаалгүй хэрэглэгчийг хохироох нь байж болохгүй асуудал. Хэрвээ тийм тайлбар тавьж байгаа худалдааны байгууллага байгаа бол та #115 дугаарт гомдолоо өгнө үү." хэмээжээ.

Иргэн танд дээрх асуудал тулгардаг бол дараах "ЗӨВЛӨМЖ"-тэй сайтар танилцаарай.