УИХ дахь Ардын эрүүл мэндийг дэмжих лобби бүлэг байгуулж буй талаар УИХ-ын гишүүн Ж.Чинбүрэн өнөөдөр мэдээлэв. 

Тус бүлэг Эрүүл мэндийн даатгалын тогтолцоо, санхүүжилтийн шинэчлэлээр идэвхтэй ажиллахын зэрэгцээ эрүүл мэндийн салбарт дараах өөрчлөлтийг хийхээр зорьж байгааг гишүүд онлцов. Тодруулбал, даатгалаараа өөрийн сонгосон эмч, эмнэлэгт үзүүлэх эрхтэй болох, улсын эмнэлгүүдийн ачаалал дараалаллыг багасгах, хөнгөлөлттэй үнээр эм олгох нөхцөл байдлыг хялбаршуулах, эмийн үнэ хөнгөлөх, өндөр үнэ өртөгтэй тусламж үйлчилгээг даатгалын санхүүжилтэд хамруулдаг бодлогыг хэвээр үлдээх юм гэдгийг танилцууллаа.