Иргэд эмнэлгээр үйлчлүүлэх үзлэгийн цаг авахын тулд өглөө эрт ирж, урт дараалалд зогсон хүлээгдэл, чирэгдэл үүсгэдэг байдлыг арилгах үүднээс 1800-0119 цаг захиалгын нэгдсэн дуудлагын төвийг туршилтын журмаар ажиллуулж эхэллээ.

Эхний ээлжид Улсын Нэгдүгээр төв эмнэлэг, Баянгол, Чингэлтэй дүүргийн Эрүүл мэндийн төвд энэхүү үйл ажиллагааг нэвтрүүлж байна.

Тиймээс тус гурван эмнэлгээр үйлчлүүлэх хүсэлтэй хүмүүс амбулаторийн үзлэгийн цагийг 1800-0119 тусгай дугаарт холбогдон захиалах боломжтой болж байгаа юм.