Энэ сарын 15-нд болсон НИТХ-ын ээлжит сонгуульд Сүхбаатар дүүрэгт АН ялалт байгуулсан билээ. Тэгвэл тус дүүргийн ИТХ-ын анхдугаар хуралдаан дөнгөж сая эхэллээ. Хурлаар дүүргийн ИТХ-ын дарга болон Засаг дарга болон тэргүүлэгчдээ сонгох юм. 

Эх сурвалжийн мэдээлснээр Сүхбаатар дүүргийн АН-ын хороо өчигдөр /2020.10.29/ хуралджээ. Тус хорооны хурлаар Сүхбаатар дүүргийн Засаг даргаар Х.Болормааг улираан сонгох шийдвэрийг гаргасан байна. Түүнчлэн дүүргийн ИТХ-ын даргаар Б.Энхболдыг сонгох саналыг гаргасан нь дэмжлэг авчээ.