Коронавирусний халдвартай нь тогтоогдсон зарим иргэд маршрутаа нууж, эсвэл дутуу хэлснээс халдварын  хавьтлыг хумихад хүндрэл учруулж байна. Тухайлбал, халдвар илэрсэн жолооч Д-гийн ойрын хавьтал болох иргэн нэр бүхий зочид буудал, цайны газар, караокегаар үйлчлүүлснээ нуусан тухай бид мэдээлсэн. 

ЭМЯ-наас үүнтэй холбогдуулан, Сүхбаатар дүүргийн ТОПАЗ зочид буудал, Сүхбаатар дүүргийн 8-р хорооны "Говь сайхан караоке" 11 дүгээр сарын 09-ний 17-20 цагт, мөн тус хорооны "Өгөөж 1" цайны газраар 12-14 цагт үйлчлүүлсэн иргэдийг ЭМЯ-ны 119, ХӨСҮТ-ийн 80056829 дугаарт холбогдож зөвлөгөө зөвлөмж авахыг сануулж, анхаарууллаа.