Японд шинэ хувилбарын халдварын голомт илэрсэн тухай тус улсын Эрүүл мэнд, хөдөлмөр, нийгмийн хамгааллын яам мэдэгджээ.

Ажлын байран дээрээ Их Британийн хувилбараар халдвар авсан эрэгтэйтэй харилцсан хойд Сайтама мужийн гурван оршин суугчаас халдвар илэрчээ.

Шинэ хувилбараар халдварласан иргэд эмч нарын хяналтанд байгаа аж. Япон улсад Их Британийн шинэ хувилбараар халдварласан нийт 64 тохиолдол илрээд байна.

Коронавирусний шинэ хувилбар илэрсэнтэй холбоотойгоор Японы эрх баригчид 12 дугаар сарын 28-наас 2 дугаар сарын 7-ныг хүртэл бүх улс орны иргэдэд шинээр виз олгохоо зогсоосон юм. Одоогоор Японы иргэд болон тус улсад байнгын оршин суух зөвшөөрөлтэй, урт хугацааны визтэй гадаадын иргэд л Япон улсад нэвтрэх боломжтой аж.