Японд “COVID-19” халдварын тархалтыг хязгаарлахын тулд Токио, Осака тэргүүтэй 11 мужид тогтоосон онцгой байдлын дэглэмийг сунгах төлөвтэй байна.

Засгийн газар энэ сарын 7 хүртэл тогтоогоод байгаа онцгой байдлыг сунгах эсэхийг эрүүл мэндийн байгууллагын мэргэжилтнүүдтэй зөвлөлдсөний дүнд энэ долоо хоногт гаргах ажээ.

Японы Токио болон хөрш мужуудад онцгой байдлын дэглэм тогтоосноос хойш гурван долоо хоног гаруйн  хугацаа өнгөрч байгаа бол Осака тэргүүтэй зургаан өөр мужид хоёр долоо хоног гаруйн өмнө онцгой байдал зарласан юм.

Хэдийгээр өнгөрсөн долоо хоногт халдварын шинэ тохиолдлын тоо өмнөх долоо хоногийнхтой харьцуулахад буурсан боловч халдвар авсан хүмүүсийн дунд өндөр настнуудын эзлэх хувь өсөх болжээ. Өндөр настай хүмүүсийн хувьд хүндээр өвчлөх магадлал өндөр байгаа юм.

Үүнтэй холбоотойгоор Засгийн газар Токио, Осака зэрэг эмнэлгийн ачаалал их байгаа бүсүүдэд онцгой байдлыг сунгах боломжийн талаар хэлэлцэхээр төлөвлөж байгаа ажээ. Харин “COVID-19”-ийн нөхцөл байдал сайжирч байгаа Точиги мужид онцгой байдлыг цуцалж магадгүй байна.