. Европын Комисс (ЕК) Украин, Турк, Умард Македонын ковидын гэрчилгээг Европын Холбооны (ЕХ) орнуудад ашиглахыг хүлээн зөвшөөрөх шийдвэр гаргалаа гэж тус комиссын пүрэв гарагт гаргасан мэдэгдэлд дурджээ.

“Европын Комисс Умард Македон, Турк, Украины ковидын гэрчилгээтэй холбоотой гурван шийдвэрийг баталлаа. Энэ нь эдгээр улс ЕХ-ны системд нэгдэж, ковидын гэрчилгээг нь маргаашнаас эхлэн ЕХ-ны дижитал гэрчилгээтэй ижил нөхцөлөөр  хүлээн авна гэсэн үг юм” гэж ЕК-ын мэдэгдэлд дурдсан байна.

ЕХ -ны дүрмийн дагуу эдгээр баримт бичиг нь хүчинтэй визээр ЕХ-ны хилээр нэвтрэх боломжийг олгох юм. Ковидын гэрчилгээг авахын тулд ЕХ-нд хэрэглэхийг зөвшөөрсөн вакины хоёр тунд хамрагдсан байх, “COVID-19”-ийн халдвар аваад эдгэснийг нотлох баримттай, эсвэл зорчихоосоо 72 цагийн өмнө PCR-ын шинжилгээ өгөх ёстой байна.