Катар улс олон нийтийн газар амны хаалт зүүгээгүй хүнд хуулийн хариуцлага хүлээлгэх журам хэрэгжүүлж эхлээд байна. Катарын Дотоодыг аюулаас хамгаалах яамны мэдээлснээр энэ сарын 17-ноос эхлэн тус улсад энэ журмыг зөрчсөн хүнд 3 жил хорих ял, 200 мянган риал буюу 53 мянган ам.доллар хүртэлх мөнгөн торгууль, эсвэл дээрх хоёр шийтгэлийг давхар хүлээлгэх юм байна.

Гэхдээ зөвхөн ганцаараа автомашин жолоодож явахдаа амны хаалт зүүхгүй байхаар журамд тусгажээ. "COVID-19" цар тахлын улмаас тус улсад ресторан, кино театр, сүм хийдүүдийг хаасан. Харин тодорхой хэмжээнд зай барих журам мөрдүүлж, 2022 оны Дэлхийн цомын тэмцээнд зориулсан цэнгэлдэх хүрээлэнгүүдийн бүтээн босголтыг үргэлжлүүлж буй юм байна.