Тулгар төрийн 2229, Их Монгол Улсын 814, Ардын хувьсгалын 99 жилийн ой, Үндэсний их баяр наадмын нээлт, хаалтын арга хэмжээг “Hero” энтертайнментын ерөнхий найруулагч Б.Баатар найруулахаар болжээ.

Үндэсний их баяр наадмыг зохион байгуулах хороо улсын баяр наадмыг тасалдуулалгүй уламжлал ёсоор зохион байгуулахаа мэдэгдсэн ч урьд өмнөхөөс ялгаатай нь технологийн дэвшил, шийдлийг ашиглан үзэгчдийн хүртээл болгох аж.

Мөн тус хороо тун удахгүй дахин хуралдаж, төсөв болон найруулагчийн сонгон шалгаруулалтыг хэрхэн хийсэн талаар олон нийтэд танилцуулах юм байна.

Сонирхуулахад өнгөрсөн жилийн Үндэсний баяр наадмын нийт зардал 2.9 тэрбум төгрөг байсан бол энэ жил цар тахалтай холбогдуулан ахих, багасах нь оньсго мэт байна