Инчон хотын долоон бага сургууль шинэ элсэгчгүйн улмаас хаагдаж магадгүй байна
Инчоны бүс нутагт байрлах долоон бага сургуульд ирэх 3 сард эхлэх хичээлийн шинэ жилд элсэх сурагчид байхгүй байгаа ажээ. Инчон хотын боловсролын газраас Juannam elementary school, Daecheong elementary school, Gyeyang elementary school, Airport elementary school, Yongyu elementary school, Gyodong elementary school, Sado elementary school зэрэг нийт долоон бага сургуульд шинээр элсэгчид байхгүй байгааг мэдэгдсэн байна. Өнгөрсөн оны хувьд гурван бага сургууль элсэгчгүй байсан бол энэ онд долоо болж нэмэгдсэн аж. 2016 оны хувьд тус бүс мужид 44,625 мянган бага ангийн боловсрол эзэмших насны хүүхэд байсан бол 2019 онд 39,373 мянга болж багассан ажээ. Учир нь дээрх сургуулийн дийлэнх нь хүн багатай зайдуу газарт байрлаж байгаа бөгөөд бага насны хүүхэдтэй гэр бүлүүд ажил олохын тулд хот суурин газрыг зорих нь нэмэгдсэн байна. Хэдийгээр сурагчид багатай хэмээн дээрх сургуулийг хаахгүй хэдий ч цаашид энэ хэвээр шинэ элсэгч байхгүй бол татан буугдах магадлалтай ажээ.
Сэтгэгдэл
Хэрэглэгчээр нэвтэрч байж сэтгэгдэл нэмнэ үү! Энд дарж нэвтэрнэ үү.