Яг одоо Солонгос улсад нэлээдгүй өндөр рейтингтэй байгаа дөрвөн олон ангит киног танилцуулж байна.

Crash Landing on You /사랑의 불시착/

Тус бүтээл нь TvN-ээр 2019 оны 12 сарын 14-ны өдрөөс эхлэн гарч эхэлсэн бөгөөд 15.933% үзүүлэлттэйгээр өндөр амжилт үзүүлээд байгаа олон ангит кино юм. Мөн тус киноны зураг авалт Швейцар болон Монгол улсад хийгдсэнээрээ үзэгчдийн анхаарлыг телевизээр гарч эхлэхээсээ өмнө багагүй татсан бүтээл аж. Киноны гол дүрд Солонгосын хамгийн царайлаг, хөөрхөн жүжигчид хэмээгддэг Вон Бин болон Сун Еэ Жин нар хамтран тоглосон байна. Үйлд явдлын хувьд өмнөд Солонгосын баян айлын өв залгамжлагч бүсгүй санамсаргүй байдлаар шүхрээр Хойд Солонгост бууснаар киноны үйл явдал эхэлдэг байна. Тус бүтээлийн төгсгөлийн анги энэ сарын 16-ны өдөр гарах ажээ.

Romantic Doctor Teacher Kim /낭만닥터 김사부/

“Романтик эмч Ким Са Бү” хэмээх уг олон ангит кино нь хоёр улиралтай бөгөөд эхний улирал нь нийт 20 ангитай байсан бол одоо дэлгэцнээ гарч байгаа хоёр дах улирал нь 16 ангитай ба киноны үзэлтнээсээ хамаарч цаашид анги нэмэгдэх магадлалтай аж. Одоогийн байдлаар рейтингээрээ 19.25% буюу хамгийн өндөр үзүүлэлттэй амжилттай явж байгаа драм юм. Тус бүтээл нь өнгөрөгч 1 сарын 6-ны өдрөөс SBS телевизээр даваа, мягмар гарагт цацагдаж байгаа бөгөөд дүрүүдийн хувьд өмнөх улиралд тоглож байсан ихэнх дүрүүд энэ улиралд өөрчлөгдөн тоглож байгаа аж. Гол дүрийн жүжигчний хувьд өмнө “Doctors” бүтээлд эмчийн дүр бүтээж байсан И Сон Гён жүжигчин тоглосон бөгөөд эрэгтэй гол дүрийн хувьд Ан Хю Соб дүр жүжигчин бүтээсэн байна.

Itaewon Class /이태원 클라쓰/

Алдартай манганаас сэдэвлэн бүтээсэн уг бүтээл нь 2020 оны 1 сарын 31-ээс 3 сарын 21-ны хооронд JTBC-ээр баасан, бямба гарагуудад гарах бөгөөд нийт 16 ангитай аж. Уг бүтээлийн хувьд мангатайгаа харьцуулахад өөр зүйлс багагүй байгаа бөгөөд алдартай жүжигчин Пак Со Жүн гол дүрийг бүтээж байгаа юм. Рейтингийн хувьд одоогийн байдлаар 9.382%-ын үзүүлэлттэй байгаа юм.

Stove League /스토브리그/

Уг олон ангит кино нь өнгөрөгч 12 сарын 13-аас эхлэн SBS телевизээр баасан, бямба гарагуудад цацагдаж байгаа 16 ангитай бүтээл юм. Үзүүлэлтийн хувьд 15.13%-ын үзүүлэлттэй байгаа бөгөөд гол дүрд нь Нам Гүн Мин, Пак Ин Бин, У Жон Сэ зэрэг жүжигчид тогложээ.