Баянзүрх дүүргийн 21 дүгээр хорооны нутаг дэвсгэрт тоосгоны үйлдвэрлэл эрхлэгч Скорпион сервис ХХК-ийн үйл ажиллагаанд МХЕГ-ын даргын баталсан 01/50 дугаартай удирдамжийн хүрээнд Цагдаагийн Ерөнхий газрын Хүрээлэн буй орчны хяналтын хэлтэстэй хамтран хяналт шалгалт хийлээ.

Шалгалтаар тус газар нь Агаарын тухай хууль, “Түүхий нүүрс хэрэглэхийг хориглох тухай” Засгийн газрын 2018 оны 62 дугаар тогтоолыг зөрчин тоосго шатаах зуух, ахуйн зуухандаа түүхий нүүрс түлсэн зөрчлийг үндэслэн Зөрчлийн тухай хуулийн 7.4 зүйлийн 1.3 дахь хэсэгт заасны дагуу торгууль ногдуулж, эрх бүхий албан тушаалтны албан даалгавар хүргүүллээ.

Эх сурвалж: НМХГ