Гандантэгчинлэн хийдэд өнөөдөр /2020.02.23/ Төмөр хулгана жилийн сар шинийн баярт зориулсан битүүний хурал хурна. 

Битүүний хурлыг ТВ8 телевиз албан ёсны зөвшөөрөлтэйгөөр Гандантэгчинлэн хийдээс шууд дамжуулан хүргэнэ. Хурал номыг 22:00 цагаас хүлээн авч үзэх боломжтой. 

Монголын Бурхан шашинтны төв Гандантэгчэнлин хийдийн тэргүүн их хамба лам, гавж Д.Чойжамц сар шинийн өдрүүдийн засал ном, хурлын талаар "Битүүний өдрийн номыг хурдгаараа хурна. Харин олон нийт олноороо битгий ирээрэй. Шинэ жилийн засал номоо заавал энэ ханиад томуутай, хөл хорьсон үед хийлгэх гэж яараад хэрэггүй. Үүнийг өнгөрөхөөр бид тусгай тусгай цаг товлож, лам нар цагаан сараар хийдэг засал, гүрэм номуудыг тусгайлан уншиж өгнө" гэж айлдлаа.