Европын Комисс Монгол улсыг "Санхүүгийн өндөр эрсдэл бүхий гуравдагч улсын жагсаалт"-аас хассан тогтоол баталлаа.

Монгол улс Европын холбооны "Татварын асуудлаар хамтран ажилладаггүй гуравдагч улсын жагсаалт"-аас энэ оны аравдугаар сарын 06-ны өдөр, ФАТФ-ын "Саарал жагсаалт"-аас энэ оны аравдугаар сарын 23-ны өдөр тус тус албан ёсоор гарсан.

Тэгвэл энэ удаа Европын холбооны "Санхүүгийн өндөр эрсдэл бүхий гуравдагч улсын жагсаалт"-аас хасагдсанаар Монгол Улс санхүүгийн хоригтой байсан гурван жагсаалтаас гарлаа.

Тус тогтоол нь 2021 оны хоёрдугаар сараас хүчин төгөлдөр үйлчилж эхлэхээр байна.