Судалгааны үр дүнд БНСУ-ын 10 иргэн тутмын 7 гаруй нь шинэ коронавирусын халдварын эсрэг вакцин хийлгэх хүсэлтэй байгаа нь тогтоогджээ.
“Korea Gallup” судалгааны газрын 2-р сарын 19-ний өдрийн мэдээлснээр улс орон даяар 2.16-2.18-ний хооронд 18-аас дээш насны нийт 1,000 хүнээс судалгаа авсан байна. Судалгаанд хамрагдсан хүмүүсээс <Та “Ковид-19”-ийн эсрэг вакцинд хамрагдах уу?> гэж асуухад оролцогчдын 71% нь вакцин тариулахад бэлэн байна гэж хариулжээ. Мөн судалгаанд хамрагдагсдын 19% нь вакцин хийлгэх бодолгүй гэж хариулсан бол 10% нь тодорхой санал хэлээгүй байна...
Корона вирусийн эсрэг вакцины гаж нөлөөнд санаа зовж байгаа эсэхийг асуухад 71% нь санаа зовж байна гэсэн бол 26% нь санаа зовохгүй байна гэж хариулжээ.
Засгийн газраас хэрэгжүүлж буй “Ковид-19”-ийн эсрэг хариу арга хэмжээний талаар асуухад 58% нь сайн ажиллаж байна гэж хариулсан бол 32% нь буруу зүйл хийж байна гэж шүүмжилсэн байна.
“Korea Gallup” судалгааны газраас "Улсын хэмжээнд 5-аас дээш хүн нэг дор цуглахгүй байх гэх мэт халдвар хамгаалалтын зай барих дэглэм удаан хугацаанд үргэлжилж байгаагийн зэрэгцээ Вакцины талаар нийгэмд маргаантай зүйлүүд байгаа хэдий ч хорио цээрийн дэглэм хийгээд авч хэрэгжүүлж буй арга хэмжээнд эерэг үнэлгээ давамгайлж байна" гэж тайлбарлав.
Эх сурвалж : Сөүл Кён Жэ сонин
Орчуулан эмхтгэсэн : Н.Халиун
Хэрэглэгчээр нэвтэрч байж сэтгэгдэл нэмнэ үү! Энд дарж нэвтэрнэ үү.
Сэтгэгдэл
Хэрэглэгчээр нэвтэрч байж сэтгэгдэл нэмнэ үү! Энд дарж нэвтэрнэ үү.