БНСУ-ын  засгийн  газар  гадаад  ажилчид ихтэй ажлын  газруудад  яаралтай  ковид19-ын  шинжилгээ  авна. 

Хөдөлмөр хамгаалал  нийгмийн яамнаас  өнөөдөр  "Маргаашнаас  эхлэж  дараа  сарын  2-ны  өдөр  хүртэл  гадаад ажилчид  ихтэй үйлдвэр аж  ахуйн  нэгжүүд болон үйлдвэрлэл эрхэлдэг  500 газрууд, мөн 500 гаруй барилгын  талбаруудад  яаралтай  коронагийн  шинжилгээ  хийнэ"  гэж  мэдэгдлээ. 

Энэ  нь  саяхан Намяанжүд байдаг  пластикын үйлдвэрээс 100 гаруй  гадаад  ажилчид  нэг  дор  коронагийн  халдвар  авсан болон гадаад  ажилчид сүүлийн  үед коронагийн  халдвар  их хүрч  байгаатай  холбоотой авч  буй  арга  хэмжээ  ажээ. 

Мөн  хөдөлмөр хамгаалал  нийгмийн яамнаас  шинжилгээ  яаралтай  авч  байгаа    газруудад  халдварт  өвчнөөс хамгаалах журмыг  зөрчсөн  тохиолдол  илэрвэл торгож, тухайн  мужын  удирдах  газартай  хамтарч  шалгалт  явуулна. 

Үйлдвэр  аж ахуйн  нэгжүүдийн  удирдлагыг коронагаас  сэргийлэх журмын  тухай  сургалтанд  заавал  суулгадаг   болгож, аж  ахуйн нэгжийн   дарга сургалтанд  суусан  тохиолдолд  шинээр  гадаад  ажилчид  хувиарлах  ажээ. 

Үүнээс  гадна мужууд  бүр  дотроо бага  зэрэг  өөр  өөр журмыг  гаргаж  гадаад  ажилчидтай үйлдвэр ажлын  газрууд  болон  тэднийг  ажилд гаргадаг  самушил зэрэг газруудад ажилд гарч байгаа  хүмүүсээ шинжилгээ  өгүүлэх  заавар  өгөх  зэрэг  арга  хэмжээ  авах  гэж  байна. 

Солонгост ажиллаж  амьдарч  байгаа  та бүхэн шинжилгээ  өгөх  шаардлагатай  бол  айж  сандралгүй  шинжилгээ  өгч  эрүүл  мэндээ  хамгаалаарай. 

Мэдээллийг Ж. Нармандах, 2021.02.21.