Монголын Үндэсний Олимпийн Хороо, “Евро Трэйвел” компанитай "Парис-2024" олимпийн хүрээнд хамтран ажиллах гэрээ байгууллаа.

Уг гэрээний дагуу “Евро Трэйвел” компани нь “Парис-2024” олимпийн наадмын хөгжөөн дэмжигч-жуулчдыг зохион байгуулж оролцуулах тусгай эрхийг авах юм. Энэхүү гэрээнд МҮОХ-ны Ерөнхийлөгчийн бүрэн эрхийг хэрэгжүүлэгч, дэд ерөнхийлөгч Ч.Наранбаатар, “Евро Трэйвел” компанийн Ерөнхий захирал Ц.Ганзориг нар гарын үсэг зурав.

"Парис-2024" олимпийн наадмын ТУСГАЙ ЭРХ-ийг авснаар “Евро Трэвел” компани нь Олимпийн бэлгэдэл таван цагаригийг сахин хамгаалах тухай Найробийн гэрээ, Дэлхийн оюуны өмчийн конвенци, Монгол улсын Оюуны өмчийн тухай хууль тогтоомжоор хамгаалагдаж баталгаажих юм.