Мэргэжлийн сүмо бөхийн Хаврын тэмцээн өнөөдөр /2020.03.22/ Осака хотод өндөрлөлөө.

Хаврын тэмцээний гол онцлог нь түүхэнд анх удаа үзэгчгүй явагдсанаас гадна сэкивакэ Асанояма озэки цол хүртэх эсэх байсан билээ.

Сүмо бөхийн холбооны дүрэмд “Комүсүби, сэкивакэ цолтой бөх сүүлийн гурван башёд нийт 33 давахад озэки цол олгоно” гэж заасан байдаг. Асанояма өнгөрсөн оны Кюүшюү башёд комүсүби цолтой 11 давж, нэгдүгээр сарын тэмцээнд сэкивакэ цолтой 10 давсан. Энэ тэмцээнд 12 давбал озэки болно гэж яригдаж байсан ч  11 давснаар нэг даваа дутсан юм. Гэвч Сүмогийн холбооноос Асаноямаг сүүлийн дөрвөн башёд 10-аас дээш давсан, тогтвортой сайн барилдаж байгаа гэж үзэн, озэки цол олгохоор шийдсэн байна. Мөн энэ тэмцээний барилдааны агуулга сайн, арслан цолтныг унагаасан нь үнэлэгджээ.

Энэ сарын 25-нд болох холбооны хурлаар албан ёсоор зарлах гэнэ.