МОСКВА. /TASS/. Коронавирусний нөхцөл байдалтай холбогдуулан ОХУ-ын Ерөнхийлөгч Владимир Путиний ард түмэндээ хандан үг хэлснийхээ дараа өгсөн үүргүүдийн жагсаалтыг гаргажээ.

ОХУ-ын Төрийн тэргүүн дараах үүргүүдийг өгчээ.

• Дөрөвдүгээр сарын 1-нээс эхлэн эхийн тэтгэмж авах эрхтэй гэр бүлүүдийн 3 хүртэлх насны хүүхэд бүрт 5 мянган рубль олгох
• Зургадугаар сарын 1-нээс эхлэн 3-7 хүртэлх насны хүүхэдтэй, бага орлоготой айл өрхүүдэд амьжиргааны доод түвшний тал хувьтай тэнцэх хэмжээний мөнгө олгох
• Аугаа Эх орны дайны ялалтын 75 жилийн ойд зориулан ахмад дайчдад олгох мөнгийг дөрөвдүгээр сард олгох
• Ажилгүйдлийн тэтгэмжийг оны эцэс хүртэл хөдөлмөрийн хөлсний доод хэмжээнд хүргэж нэмэгдүүлэх буюу 12130 рубль болгож нэмэгдүүлэх
• Улс орны эдийн засгийн нөхцөл байдалд байнгын хяналт тавих ажлыг зохион байгуулах
• Эдийн засгийн бодит салбарын зээл олгох төлөвлөгөөг 4 дүгээр сарын 15  гэхэд батлах
• Дөрөвдүгээр сарын 20 гэхэд Оросуудын цалинтай амралтын тухай нэмэлт өөрчлөлтүүдэд бэлтгэх 
• Жижиг, дунд бизнес эрхлэгчдийн татвар төлөх хугацаа болон жижиг үйлдвэрийн газруудын төсвийн гадуурх төрийн сангуудад даатгалын шимтгэл төлөх хугацааг зургаан сараар хойшлуулах