ОХУ-ын Ерөнхийлөгч В.В.Путины зарлигаар Монгол Улсаас ОХУ-д суугаа Онц бөгөөд Бүрэн эрхт Элчин сайд Д.Давааг ОХУ-ын "Найрамдал" одонгоор шагнасан байна.

Монгол Улс, ОХУ-ын иж бүрэн стратегийн түншлэлийг хөгжүүлэхэд оруулсан хувь нэмрийг нь үнэлэн олгосон уг одонг ОХУ-ын Гадаад хэргийн сайд С.В.Лавров энэ сарын 25-нд гардуулжээ. Энэ үеэр тэрбээр Элчин сайд Д.Давааг хоёр орны найрсаг харилцаа, хамтын ажиллагааг бэхжүүлэхэд оруулсан хувь нэмрийг өндрөөр үнэлж буйгаа илэрхийлсэн байна.