БНАСАУ-д хоногт COVID-19-ийн халдварын 262 мянга гаруй тохиолдол бүртгэгдэж, нэг хүн нас баржээ.

Хойд Солонгост ковидын улмаас нас барсан хүний тоо 63 боллоо.

БНАСАУ-д ковидын халдвараар нийт 1.97 сая хүн өвчилж, 1 сая гаруй нь эдгэрсэн байна.

ДЭМБ-ын Ерөнхий захирал Тедрос Адханом Гебрейесус БНАСАУ-аас коронавирусний тархалтын талаарх мэдээллээ өгөхийг хүссэн билээ.

БНАСАУ-д энэ сарын 12-нд коронавирусний халдварын анхны тохиолдол илэрсэн талаар албан ёсоор зарласан юм. Тус улсын удирдагч Ким Жон Уны тушаалаар Ардын арми Пеньян хотод эмнэлгийн материал, эм хангамжийг нийлүүлж байгаа аж.