UFC холбооны аварга Хабиб Нурмагомедов UFC 249 тэмцээнд оролцохгүй болсны дараа түүний өрсөлдөгч Тони Фергюсон мэдэгдэл хийлээ.

ESPN-ий сэтгүүлч Ариэль Хельвани Тонитой холбогдож, Хабибийн мэдэгдлийн талаар санал бодлыг нь сонсжээ.

Тони “Халдварт өвчний улмаас хүнд хэцүү үетэй тулгараад байгаа бүх хүнийг би ойлгож байна. Гэхдээ Хабиб Абу-Дабид очсоныхоо дараа ОХУ хилээ хаахаас өмнө АНУ-д эргэн ирж болох байсан. Гэтэл тэр Дагестандаа харьсан. Тэр тулалдахыг хүсээгүй. Энэ хулчгараас аваргын бүсийг нь хураах хэрэгтэй. Би зодолдохыг хүсэж байна. Хэзээ ч хаана ч хамаагүй. Хабибийг зодох хэрэгтэй. Бүгд энэ тулааныг л хүлээж байна. Гэр бүл нь Дагестанд, өөрөө Америкт байсан болохоор гэртээ харьсныг нь ойлгож байна. Гэхдээ тэр тулаан явуулах боломж байхад ашиглахыг хүсээгүй. UFC 209 тэмцээн дээр ч тэр адилхан зүйл хийсэн. Тэр үед Хабиб жингээ хасаж чадахгүй гэдгээ мэдэж байсан. Энэ бол айж зугтсан явдал гэж би үзэж байна. Тулаанд ороход юу хийх хэрэгтэйг тэр мэдэж байсан ч ашиглаагүй. Бүгд эрсдэлтэй зүйл хийдэг, харин тэр айлаа. Тэр бууж өгсөн. Гэр бүлээ бодох ёстой гэж тэр хэлснийг би сонслоо. Залуу минь, чи эх орноо төлөөлнө гэж тулааны гэрээнд гарын үсэг зурсан биз дээ?  Харин одоо нүдүүлэхээс айгаад зугтлаа. Би энэ жинд зөвхөн Хабиб Нурмагомедов, Конор МакГрегор хоёрыг л зодохыг хүсэж байна” гэж хариулсан байна.