БНСУ-д согтуугаар тээврийн хэрэгсэл жолоодсон эрэгтэйг шалгах явцад нас барсан гэсэн бүртгэлтэй байжээ.
![БНСУ-д согтуугаар тээврийн хэрэгсэл жолоодсон эрэгтэйг шалгах явцад нас барсан гэсэн бүртгэлтэй байжээ.](http://olnodo.com/media/resized/1200x0/post/2024-01/s1oxxvOYkn8Ulq2Fz3ILvQs6VNBm1K7dIww7hPoH.png)
Согтуугаар машин жолоодож яваад цагдаад баригдсан 50 гаруй насны иргэн байцаалтын явцад 13 жилийн өмнө нас барсан гэж бүртгэгдсэн иргэн байжээ.
БНСУ-ын Кёнги аймгийн Пажугийн цагдаагийн газраас өнөөдөр буюу 22-ны өдөр 50 гаруй насны иргэн А-г Замын хөдөлгөөний тухай хуулийн дагуу жолооны үнэмлэхгүйгээр, согтуугаар тээврийн хэрэгсэл жолоодсон хэргээр баривчлагджээ. Тухайн иргэнийг байцаах явцад иргэн А-с хувийн мэдээллийг асуухад огт бүртгэлгүй регистрийн дугаарыг дахин дахин хэлсээр байсан аж. Улмаар байцаалтыг лавшруулан шалгахад иргэн А нь 2011 онд насбарсан хэмээн албан ёсоор бүртгэгдэж регистрийн дугаарын бүртгэлээс устгагдсан байсныг олж тогтоожээ.
Ар гэрийнхэн нь сураггүй алга болсон гэж мэдээлснээс хойш 5 жилийн дотор уг хүн олдоогүй, холбоо бариагүй бол нас барсанд тооцдог аж.
Цагдаагийн албанаас "Иргэн А нас барсан гэж бүртгэгдсэнээ өөрөө мэдээгүй, шаргуу ажлаа хийн амьдарч байсан гэж мэдэгдсэн байна.
Цагдаагийн газар иргэн А-н иргэний үнэмлэхийг сэргээх болон түүнийг яагаад насбарсан гэж бүртгэсэн талаар дахин нягт судлахаар төлөв ажиллаж байна" гэж мэдэгдлээ.
Эх сурвалж: @yonhap_news
Сэтгэгдэл
Хэрэглэгчээр нэвтэрч байж сэтгэгдэл нэмнэ үү! Энд дарж нэвтэрнэ үү.