Авто тээврийн Үндэсний төв (АТҮТ) нийслэлд шинэ салбар төвөө нээв.

Дулааны цахилгаан станц-3-ын баруун талд байрлаж буй тус төвд тээврийн хэрэгслийн бүх төрлийн бичиг баримт шилжүүлэх, бүртгэх, автомашины дугаар авах, оношлуулах, техникийн хяналтын үзлэг зэрэг бүх үйлчилгээг нэг дор төвлөрүүлэн байршуулснаар онцлог байгаа аж.

Мөн амралтын өдрүүдэд ажиллах юм. Тодруулбал, лхагва гарагаас ням гараг хүртэл ажиллах нь. Ингэснээр бусад төвийн ачаалал буурч, иргэд жолооч, автомашин эзэмшигч нар хүлээлтгүй, хүртээмжтэй үйлчлүүлэх нөхцөл бүрдэж буй аж.

Шинэ салбар төв мөн “Автомарт” худалдааны төвийн дэргэд байрлаж байгаа нь иргэд автомашин худалдаж аваад шууд газар дээр нь бүртгүүлэх, дугаар авах зэргээр чирэгдэлгүй үйлчлүүлэх боломжтой зэрэг хэд хэдэн онцлогтой аж.

АТҮТ нийслэлд 17 салбар төвөөр үйл ажиллагаа явуулж байна.