“Зам, тээврийн хөгжлийн төв”-өөс орон нутгийн замын нөхцөл, байдлын мэдээлэл дамжуулав.

Өнөөдөр өглөө 06:00 цагийн байдлаар нийт нутгаар хүчтэй шуургатай байна. Тухайлбал, Ховд аймгийн чиглэлийн А14 дугаартай Манхан-Булган-Улсын хил чиглэл, Бага улаан даваанд цас орж хүчтэй шуурсны улмаас зам хаагджээ. Иймд Аймгийн Онцгой байдлын газар, Цагдаагийн газарт мэдэгдэж зам нээгдтэл тээврийн хэрэгслийн хөдөлгөөнийг хязгаарласан байна. Иймд иргэд тээвэрчид, жолооч нарыг тус чиглэлд зорчихгүй байхыг зөвлөв.

Өнөөдөр баруун аймгуудын ихэнх нутаг, төвийн аймгуудын нутгийн хойд хэсгээр, 17-нд ихэнх нутгаар, 18-нд нутгийн зүүн хагаст цас орж, цасан шуурга шуурч, ихэнх нутгаар хүйтний эрч эрс чангарах тул үзэгдэх орчин хязгаарлагдах, зам даваа, гүвээнд халтиргаа гулгаа нэмэгдэж болзошгүйг онцгойлон анхааруулж байна.